Mynegai Amddifadedd Lluosog Cymru 2008

Lawrlwythio MALlC

Mae'r set data gyflawn MALlC, rhengoedd parth MALlC, a data dangosyddion sylfaenol ar gael oddi ar wefan StatsWales.

Cyhoeddiadau

Mynegai Amddifadedd Lluosog Cymru 2008: Adroddiad Cryno - Diwygiedig ar 20 Rhagfyr 2011
Mae'r adroddiad yma yn rhoi dadansoddiad cryno ar gyfer y Mynegai cyffredinol a phob un o'r wyth maes yn y Mynegai gan gynnwys, ar gyfer pob maes, map yn dangos yr amrywiaeth ar draws Cymru a thabl o'r canlyniadau ar gyfer yr Ardaloedd Cynnyrch Ehangach Is (ACEI) yn y 10% mwyaf difreintiedig yng Nghymru.

Nodyn diwygio

Yn ystod cynhyrchu rhifyn 2011 MALlC, canfuwyd camgymeriad ym maes incwm MALlC 2008. Mae hyn oherwydd cafodd plant dibynnol y rhai sy’n hawlio budd-daliadau sy’n ymwneud ag incwm Adran Gwaith a Phensiynau eu hepgor yn anghywir o’r dangosydd yn 2008.

Cywirwyd dangosyddion incwm 2008 ac fe’u hail-gyhoeddwyd ar StatsWales ym mis Tachwedd 2011. Ar gyfartaledd, roedd y gwerthoedd incwm 20 y cant yn uwch na’r gwerthoedd a gyhoeddwyd yn wreiddiol. Gwnaethwyd y newidiadau i’r maes incwm a’r graddfeydd Mynegai ar StatsWales ac i'r Adroddiad Cryno o MALIC 2008 ar 20 Rhagfyr 2011. Cyhoeddwyd adroddiad yn darparu dadansoddiad o'r diwygiadau i'r Mynegai cyffredinol a safleoedd maes Incwm ar 28 Mehefin 2012.

Hefyd, fe nodwyd gwall yn nhri o ddangosyddion addysg 2008 (cyfraddau absenoldeb cynradd, cyfraddau absenoldeb uwchradd a chanran yr oedolion 25-64 oed heb gymwysterau). Nid yw hyn yn effeithio ar y maes addysg, y mynegai cyffredinol na gwerthoedd dangosyddion LSOA, gan i’r gwall ddigwydd yn y broses agregu, sy’n cyfrifo dangosyddion ar lefelau agregu amrywiol, e.e. awdurdod lleol, MSOA. I grynhoi, mae’r tri cyfradd dangosyddion hyn wedi gostwng o ganlyniad i gywiro’r gwall. Mae’r graddau y mae’r cyfraddau dangosyddion wedi gostwng yn amrywio yn ôl lefel agregu; y lefelau agregu uwch (megis awdurdodau lleol a dosbarthiad trefol/gwledig) sydd wedi cael eu heffeithio fwyaf. Mewn cyferbyniad, roedd y diwygiadau i’r partneriaethau Cymunedau yn Gyntaf yn gymharol fach. O’r tri dangosydd anghywir, y newid i’r dangosydd “heb gymwysterau” yw’r mwyaf.

Cywirwyd dangosyddion addysg 2008 ac fe’u hail-gyhoeddwyd ar StatsWales ym mis Tachwedd 2011.

Ym mis Mawrth 2011, canfuwyd camgymeriad ym maes diogelwch cymunedol MALlC 2008. O ganlyniad, diwygiwyd sgorau a safleoedd yr Ardaloedd Cynnyrch Ehangach Haen-Is (LSOA) yn y maes diogelwch cymunedol ar 29 Mawrth 2011. Bu ychydig o newid i sgorau a safleoedd cyffredinol Malc oherwydd y newid hwn yn safleoedd y LSOA yn y maes diogelwch cymunedol, a chafodd y rhain eu diwygio ar yr un diwrnod.

Ym mis Gorffennaf 2010, canfuwyd camgymeriad ym maes amgylchedd ffisegol Malc 2008. O ganlyniad, diwygiwyd sgorau a safleoedd yr Ardaloedd Cynnyrch Ehangach Haen-Is (LSOA) yn y maes amgylchedd ffisegol ar 13 Gorffennaf 2010. Bu ychydig o newid i sgorau a safleoedd cyffredinol Malc oherwydd y newid hwn yn safleoedd y LSOA yn y maes amgylchedd ffisegol, a chafodd y rhain eu diwygio ar yr un diwrnod.

Manylion y diwygiadau i'r Mynegai Amddifadedd Lluosog Cymru 2008 

Canllawiau

Mynegai Amddifadedd Lluosog Cymru 2008: Adroddiad Technegol
Mae’r adroddiad technegol yma, a gyhoeddwyd ar y 19 Mawrth 2009, yn disgrifio sut cafodd y Mynegai Amddifadedd Lluosog Cymru (MALlC) 2008 ei greu. Rhestrir y meysydd amddifadedd, ynghyd â’r dangosyddion o fewn pob maes, a nodir yr unedau daearyddol a ddefnyddiwyd. Mae’r adroddiad hefyd yn egluro’r algorithmau ystadegol a ddefnyddiwyd i greu’r mynegai o’r cydrannau yma.

Adroddiad Ansawdd Mynegai Amddifadedd Lluosog Cymru 2008

Penderfynu pwysau'r meysydd yn Mynegai Amddifadedd Lluosog Cymru

Crynodeb o newidiadau methodolegol yn Mynegai Amddifadedd Lluosog Cymru 2008

Mynegai Amddifadedd Lluosog Cymru 2008: Cwestiynau cyffredin

Mynegai Amddifadedd Lluosog Cymru 2008: Taflen Gyfarwyddyd

Mynegai Amddifadedd Lluosog Cymru 2008: tabl am-edrych sy'n pwysoli codau post i ardaloedd cynnyrch ehangach lefel is

Mapiau Rhyngweithiol

Mae’r ddolen i’r mapiau rhyngweithiol ar gyfer MALlC 2008 wedi cael ei dynnu i ffwrdd yn dilyn canfod camgymeriad ym maes amgylchedd ffisegol MALlC 2008, sydd hefyd wedi effeithio safleoedd cyffredinol MALlC. Bydd mapiau a dadansoddiad pellach yn rhan o’n tudalennau gwe dadansoddi cynhwysfawr, sydd wrthi’n cael eu datblygu.