Arolwg Effeithiolrwydd o’r Cynllun Datblygu Cynaliadwy

Mae gan Weinidogion ddyletswydd i wneud hyn o dan adran 79 Deddf Llywodraeth Cymru 2006. Rydyn ni wedi cyhoeddi’r adroddiad hwn yn dilyn arolwg annibynnol a gyflwynwyd gan PwC.  

Prif bwyntiau

Mae’r prif bwyntiau sydd wedi’u hamlygu yn yr adroddiad yn cynnwys:  

• Y datblygiadau positif rydyn ni wedi’u gwneud wrth sicrhau datblygu cynaliadwy ledled Cymru, a’n parodrwydd i fynd i’r afael â’r heriau o’n blaenau;
  
  
• Enghreifftiau o ble y mae egwyddorion datblygu cynaliadwy wedi’u defnyddio’n effeithiol drwy ein polisïau, gan gynnwys: 
  • Strategaeth Newid Hinsawdd; 
  • Arbed, rhaglen buddsoddi perfformiad ynni strategol; 
  • Rhaglen Adnewyddu Economaidd; 
  • Ein Dyfodol Iach, ein cynllun strategol ar gyfer iechyd; 
  • Rhaglen ysgolion y 21ain ganrif; 
  • Strategaeth Tlodi Plant; a 
  • Strategaeth Fwyd i Gymru.
    
    
• Gwaith a wnaethpwyd i gysylltu yn allanol ar ddatblygu cynaliadwy trwy ein Siarter Datblygu Cynaliadwy. Rydym hefyd wedi gwneud cynnydd da gyda’n gweithrediadau mewnol trwy gyrraedd lefel 5 safon rheoli amgylchedd y Ddraig Werdd; a 
  
  
• Dilysrwydd cyffredinol ein Cynllun Datblygu Cynaliadwy presennol, Un Gymru: Un Blaned.  

Gwnaeth ein Gweinidog ddatganiad i Gynulliad Cenedlaethol Cymru ar gyhoeddi’r adroddiad hwn.